ATLANTIK OKEANI

Atlantik okeanı - Sahəsinə görə Sakit Okeandan sonra ikinci böyük okean. Sahəsi dənizlərlə birgə 91,6 mln km², həcmi 329,7 mln km², ən dərin yeri - 8742 m (Puerto-Riko çökəkliyi). S şəklində olan okean Şimal Buzlu Okeanından Antarktika qitəsinə qədər uzanır. Ekvatordan cənub və şimala olmaq etibarı ilə iki hissəyə bölünür- Cənubi Atlantik və Şimali Atlantik. Adını yunan mifologiyasının qəhrəmanı titan Atlasdan (Atlantdan) götürüb. Bəziləri isə adının yaranmasını əfsanəvi Atlantida adası ilə bağlayırlar.

Ümumi təsviri

Dənizləri: Baltik dənizi, Şimal dənizi, Aralıq dənizi,Qara dəniz, Sarqass dənizi, Karib dənizi, Adriatik dənizi, Azov dənizi, Balear dənizi, İonik dənizi, İrland dənizi, Mərmərə dənizi, Tirren dənizi, Egey dənizi.

Ən böyük körfəzləri: Biskay körfəzi, Qvineya körfəzi, Meksika körfəzi.

Əsas adaları: Britaniya adaları, İslandiya adası, Nyufaundlend adası, Böyük Antil adaları, Kiçik Antil adaları, Yaşıl burun adaları, Folklend adaları (Malvin adaları).

Cərəyanları: Qolfstrim cərəyanı, Kanar cərəyanı, Labrador cərəyanı, Passat cərəyanı.