Əbdürrəşid Bakuvi

Əbdürrəşid Saleh ibn-Nuri əl-Bakuvi (1402-1473) - XV əsrdə yaşamış ərəb və fars dillərində yazmış Azərbaycan alimi.

Əbdürrəşid Saleh Bakuvininin coğrafiyaya aid bir sıra qiymətli əsərləri bizə gəlib çatmışdır. Onun «Abidələrin» xülasəsi və qüdrətli hökmdarın möcüzələri kitabı akad. Ziya Bünyadov tərəfindən ərəb dilindən rus və Azərbaycan dillərinə tərcümə edilmişdir. Bu kitabda Yer səthi yeddi iqlim qurşağına ayrılmış, bu qurşaqların əhatə etdiyi ölkələr, şəhərlər, iri yaşayış yerləri və tarixi abidələri haqqında müxtəlif məlumatlar verilmişdir.

Bakı haqqındakı məsələlərə geniş yer verilmiş, müəllif barədə qiymətli mülahizələr yazılmışdır. O, Bakıda anadan olmuş və Qahirədə vəfat etmişdir.