2008 RUSIYA-GÜRCÜSTAN MÜHARIBƏSI

Rusiya-Gürcüstan müharibəsi - 2008-ci ilin avqust ayında Rusiya Federasiyasının 58-ci ordusunun hissələrinin Gürcüstan ərazisinə hücumu nəticəsində baş vermiş hərbi ixtilaf. Gürcüstanın Cənubi Osetiya əyalətində yerləşən separatçı Osetin silahlı dəstələrinin 2008-ci ilin iyul ayından başlayaraq bölgədəki Gürcu kəndlərini atəşə tutması nəticəsində, 8 avqust 2008-də Gürcüstan silahlı qüvvələri Cənubi Osetiyada geniş miqyaslı hərbi əməliyyata başlamışlar. Əməliyyatın nəticəsində Cənubi Osetiya əyalətinin mərkəzi olan Tsxinvali şəhəri Gürcüstan silahlı qüvvələri tərəfdən ağır top atəşinə məruz qalmışdır. Buna cavab olaraq eyni gün Rusiyanın 58-ci ordusunun hissələri Roki tunelini keçərək Gürcüstanın ərazisinə daxil olmuşdur və Tsxivnali şəhəri istiqamətində hücuma başlamışlar.