***

Nurlu Səmalardı sənin məkanın!
Bir məktəbdir, vallah ədəb-ərkanın...
Azadlıqdır, sülhdür - daim ünvanın.
Şöhrətim, şövkətim, hörmətim Ana!

***

Gəl, qoyum başımı dizin üstə,
Məlhəmsən, hikmətsən - sağalsın xəstə...
Baxım gözlərinə, bu son nəfəsdə -
Adım, sanım, varım, dövlətim Ana!

***

Rəhm eylə, boynuma dola qolları,
Ağaran zülflərin, Ömür yolları...
Mənə fəda etdin, hər vüsalları –
Cəlalım, vüqarım, qüdrətim Ana!

***

Şirin laylan kimi musiqi hanı?!.
Hər dildə dolaşıb, gəzir dünyanı...
O, körpə çağanın uyuyub qanı –
Ruhumu oxşayan hikmətim Ana!

***

Fitrətin yoğurulub ilahi ruhdan...
Heç kəs yaranmayıb, var olan, yoxdan?!.
Əzəli, əbədi, sonsuz Allahdan –
Kiçik tanrım olan qismətim Ana!

***

Getməyibdir lay - lan qulaqlarımdan...
Göz yaşındır axan bulaqlarımdan...
Südün ətri gəlir dodaqlarımdan...
Qeyrətim, namusum, ismətim Ana!

***