İqtisadi rayon:
Gəncə-Qazax iqtisadi rayonu

Ərazi:
1450 (km²)
Əhali:
53.400 (2009)[1]

Əhali sıxlığı:
41 (nəfər/km²)
Nəqliyyat vasitəsi kodu:
51
Telefon kodu:
265
Poçt kodu (Mərkəzi PŞ): AZ 5100
İnternet saytı:
Samux Rayon İcra Hakimiyyəti

Samux - Azərbaycan Respublikasında rayon. İnzibati mərkəzi Samux şəhəridir. 1990-cı ildə Azərbaycan Respublikası Ali Sovetinin qərarı ilə yaradılan yeni ərazi-inzibati vahidlərdən biridir.

Tarixi
Samuxun tarixi və adının mənşəyi haqqında müxtəlif fikirlər mövcudur. Daha geniş qəbul olunmuş fikirlərə görə "Samux" adının mənşəyi qədim alban toponimləri ilə əlaqədar olub, "meşəlik", "ağaclıq" mənasını verir. Rayon öz tarixi adına yalnız Azərbaycan müstəqillik qazanadan sonra, 1992-ci ildə qovuşmuşdur. O vaxta qədər isə Azərbaycanın digər inzibati bölümlərinə tabe olmuş, bir müddət isə Səfərbəyli adını daşımışdır.

Relyefi
Rayon ərazisi Kür çayının sağ və sol sahillərindəki düzənliklərdə yerləşir. Rayonun ərazisindən Qabırrı, Qanıx çayları, Qarayeri qəsəbəsindən isə Quşqara çayı keçir. Rayonun şimal sərhəddində Bozdağ və Ceyran çöl qış otlaqları yerləşir.

İqtisadi xarakteristikası
Rayonun kənd təsərrüfatının əsasını üzümçülük, heyvandarlıq, taxılçılıq və həmçinin tərəvəzçilik, meyvəçilik təşkil edir. Bu yerdə üzümçülük geniş inkişaf etmişdir. İri üzüm salxımları gün kimi alışıb yanır. Meşələri canlı təbiət muzeyidir. Həyat boz dağlara doğru da addımlayır. İl payıza dönəndə Samuxun Ceyrançöl qışlağı çadırlar, binələr şəhərciyinə çevrilir.