'Çoxbucaqlı — qapalı sınıq xətt kimi təyin olunan həndəsi fiqur. Onun 3 müxtəlif tərifi mövcuddur:

1. Qapalı müstəvi sınıq xətt

2. Öz-özünü kəsməyən qapalı müstəvi sınıq xətt;

3. Sınıq xətlə əhatələnmiş müstəvi hissəsi.

Çoxbucaqlını əməıə gətirən sınıq xəttin təpə nöqtələri çoxbucaqlının təpə nöqtələri, parçalar isə çoxbucaqlının tərəfləri adlanır.

* Çoxbucaqlının bir tərəfinin uc nöqtələri qonşu təpə nöqtələri adlanır.
* Qonşu olmayan təpə nöqtələrinin birləşdirən parça çoxbucaqlının diaqonalı adlanır.

Çoxbucaqlının növləri

Çoxbucaqlının üç təpə nöqtəsi varsa — üçbucaq, dörd təpə nöqtəsi varsa, —dördbucaqlı, beş təpə nöqtəsi varsa, — beşbucaqlı, ümumiyyətlə, n təpə nöqtəsi varsa, n-bucaqlı adlanır.

Düzbucaqlı - bütün bucaqları düz bucaq (90°) olan paraleloqrama deyilir. Düzbucaqlınin qarşı tərəfləri bərabərdir. Tərəfləri a və b olan düzbucaqlının perimetri 2(a+b)-yə, sahəsi isə ab-yə bərabərdir.

Kvadrat — bütün tərəfləri bərabər olan düzbucaqlıdır. Tərəfinin uzunluğu a olan kvadratın perimetri 4a, sahəsi isə a²–na bərabərdir.