Məscid nəyə lazımdır onu bağla, müsəlman,
Yoldaşlıq elə ən qatı yaltağla, müsəlman.

At çadranı başdan, sən azad bir gələcək qur,
Gey yubkanı mini, saçını yağla, müsəlman.

Zalimlərə əl dəymə, danışma, nə işin var,
Məzlumları, dindarları barmağla, müsəlman.

Susdur azanı, çünki cəmaət narahatdır,
Ses ver yeni ulduzlara, oynağla müsəlman.

Cild-cild Quranı al qoy eve, qoy toza batsın,
Əxlaqına zidd jurnal al, varağla müsəlman.

Gər ölsə bir yaxın adamın təm-təraq eylə,
Başqa ölü sahiblərini dağla, müsəlman.

Rəhmətliyə rəhmət oxuma, etmə dua zad,
Yol baş-gözüvü, çırp özüvü, ağla, müsəlman.