Sağlıqlar uzandı...Səhərə kimi,
Çalıb-oynadılar,keyf elədilər
Cırpıb pillələrə son ümidimi
"Vağzalı" üstündə dəfn eylədilər
Son ümid!O mənim gərəyim idi...
Yoluna şam tutdu necə qiz-gəlin,
Şam deyil!O mənim ürəyim idi:
Son dəfə yanirdi yolunda sənin.
Getdin...O köhnə yol nur yolu idi.
Izin düşən yerdə gül acmadı ki?
Özgəylə kecirdin o yolu indi,
Ayağın altından yer qacmadı ki?

Bu yollar nə yaman vəfasız imiş,
Niyə ciliklənib tökülmədilər
Düşüb qədəminə hər eniş,yoxuş,
Niyə ürəyimə cəkilmədilər...

Başına gül-cicək səpdilər o gün,
Alışan qəlbinə su səpmədilər.
"Get deyib"alnından öpdülər o gün,
Sınıq taleyini düzəltmədilər....

Güldün...Gülüşünün ömrü cox qısa
Bir həsrət axırdı qanında sənin.
Orda bütün yerlər tutulmuşdusa
Yerim görünürdü yaninda sənin