Vücudnamə qoşmanın bir növüdür. Burada insanın ayrı-ayrı yaş mərhələlərinin səcıyyəsi verilir. İnsanın həyatı əvvəldən axıradək əhatə olunur. Məsələn;

Üç yaşından beş yaşına varanda,
Yenicə açılan gülə bənzərsən,
Beş yaşından on yaşına varanda,
Arıdan saçılmış bala bənzərsən...

Otuzunda kəklik kimi səkərsən,
İgidlik eyləyib qanlar tökərsən,
Qırxında sən əl haramdan çəkərsən,
Sonası ovlanmış gölə bənzərsən.

Əllisində əlif qəddin çıkilər,
Altmışında ön dişlərin tökülər,
Yetmişində qəddin, brlin bükülər,
Karvanı kəsilmiş yola bənzərsən.

Səksənində sinən enər dizinə,
Doxsanında qubar qonar gözünə,
Koroğlu der, çünki yetdin yüzünə,
Uca dağ başına kola bənzərsən.