Qǝrib-qǝrib durduq biganǝlǝr tǝk,
Soyuq-soyuq baxdıq divanǝlǝr tǝk.
Dönmǝdik başına pǝrvanǝlǝr tǝk,
Eşq oduna yanışmadıq, ayrıldıq.

Yarım saat bir arada qalmadıq,
Eşq atǝşin canımıza salmadıq.
Yalvarıban yarın könlün almadıq,
Elǝ getdi, barışmadıq, ayrıldıq.

O zaman ki, aşnalığı tǝrk etdik,
Cüda düşdük, xeyli ciyǝr bǝrkitdik,
Aralıqdan könül ququn ürkütdük,
Bir-birilǝ qonuşmadıq, ayrıldıq.

Vaqif sevdi bir ilqrarsız bivǝfa,
Bada getdi tamam çǝkdiyi cǝfa,
Görüşübǝn eylǝmǝdik xoş sǝfa,
Qucaqlaşıb sarışmadıq, ayrıldıq.

Olmayaydı belǝ sǝfǝrǝ çıxmaq,
Biz yar ilǝ danışmadıq, ayrıldıq.
Halallaşıb, hümmǝtlǝşib dost ilǝn,
Tǝmǝnnǝşib görüşmǝdik, ayrıldıq.

Bilmǝm, kimǝ deyim dǝrdim neçǝsi,
Yarın tǝr mǝmǝsi, sinǝ haçası.
Yuxu mǝni aldı gǝlǝn gecǝsi,
Gül üzündǝn öpüşmǝdik, ayrıldıq.

Biz doymadıq yarın şirin dilindǝn,
Şǝkǝr parçasından, lǝbi-balından,
Mina gǝrdǝnindǝn, incǝ belindǝn,
Hayıf oldu, sarışmadıq, ayrıldıq.